Radyo Kaisahan 107.7 FM
Radyo Kaisahan 107.7 FM
Latest
Binigyang-pugay ang tatag at ganda ng mga kababaihang Sariayahin sa pagtatampok kay Michelle V. Aguila, ang Third Runner-Up ng Huwarang Ginang 2026, sa programang βIbida mo sa Radyoβ kasama si Kuys Wacky. Ang 36-anyos na pambato ng Barangay Bignay 1, na kasalukuyang nagsisilbi bilang Barangay Treasurer at dating Secretary, ay nagbahagi ng kanyang kwento mula sa paglilingkod sa baryo hanggang sa pagtuntong sa prestihiyosong entablado ng munisipyo. Ayon kay Aguila, bagama't noong high school pa ang kanyang huling karanasan sa pageant, naging matagumpay ang kanyang pagbabalik sa tulong ng disiplina sa pasarela at suporta ng kanyang kaibigang si βVanaβ at ng kanilang Kapitana. Sa gitna ng kanyang mga tungkulin, naging tapat si Aguila sa kanyang pinagdaanang hamon, kabilang ang pakikipaglaban sa postpartum depression at pagbabago ng timbang. Payo niya sa mga kapwa ina, ang pagmamahal sa sarili ang susi upang mas lalong maibigay ang kalinga sa pamilya sa kabila ng mga mapanghusgang mata sa paligid. Dahil dito, isinusulong niya ang pagkakaroon ng safe space para sa mga kababaihan upang maprotektahan ang kanilang mental well-being habang hinaharap ang hirap ng pagbubuntis, pag-aalaga ng bata, at pagiging katuwang ng asawa. Sa aspeto naman ng nutrisyon, ibinahagi ni Aguila ang kanyang dedikasyon sa breastfeeding kung saan sinikap niyang gatas ng ina ang maibigay sa kanyang tatlong anak sa kabila ng sakit at hirap na naranasan sa simula. Binigyang-diin din niya ang kahalagahan ng pagdidisiplina sa pagkain ng mga bata, kung saan sinasanay niya ang mga ito sa pag-inom ng tubig at pag-iwas sa mga chips o stock na pagkain upang hindi mawalan ng gana sa mga meals. Sa huli, tumatak ang kanyang mensahe sa Question and Answer portion na ang paggamit ng puso para sa ambisyon at pamilya ang nagpapatatag sa isang babae. Aniya, βHindi lamang tayo babae lamang, kundi babae tayoβbabaeng may boses, dignidad, karapatan, paninindigan, at lakas upang bumuo ng isang matatag at malakas na pamilya at kinabukasan.β #RK1077FM #CNN
Read Full Story
Tampok ang inspirasyong hatid ni Jhossa De Villa, ang kinilalang Second Runner-Up ng Huwarang Ginang Sariaya 2026, sa programang Ibida Mo sa Radyo nitong Lunes, March 23. Sa panayam ni Kuys Wacky, ibinahagi ni De Villa ang kanyang makulay na paglalakbay bilang isang 34-anyos na ina ng tatlong anak, negosyante, at beauty queen. Sa kabila ng mga hamon sa buhay, binigyang-diin ni De Villa na ang pamilya ang kanyang pangunahing lakas. Ayon sa kanya, mahalaga ang pagkakaroon ng bukas na komunikasyon sa pagitan ng mag-asawa at mga anak, lalo na sa panahon ngayon na talamak ang impluwensya ng social media. Naniniwala rin siya na hindi dapat nawawala ang tamang pagdidisiplina sa mga anak kahit pa abala sa paghahanapbuhay ang mga magulang. Isang masipag na trader sa Sentrong Pamilihan ng Sariaya at freelancer na gumagawa ng mga money bouquet at surprise deliveries, hindi inakala ni De Villa na mararating niya ang entablado ng munisipalidad. Kwento niya, nagsimula ang lahat sa tiwalang ibinigay ni Kapitana Madelyn Hernandez ng kanilang barangay sa Sampaloc 2. Sa likod ng pagod sa negosyo at kompetisyon, nahanap niya ang isang matatag na sisterhood o samahan sa kanyang mga kapwa kandidata. Bahagi rin ng kanyang adbokasiya ang pagtulong sa ibang kababaihan na magkaroon ng sariling pagkakakitaan. Nais niyang ituro ang kanyang mga skills sa paggawa ng money bouquet upang magsilbing livelihood ng mga nanay sa komunidad. Aniya, bukod sa kasanayan, mahalaga rin na mahal ng isang tao ang kanyang ginagawa upang maging maayos ang resulta nito. Hindi rin kinalimutan ni De Villa na ibahagi ang kanyang personal na karanasan sa breastfeeding. Bilang isang busy woman, siniguro niyang napapasuso ang kanyang panganay hanggang sa mag-dalawang taon ito. Ayon sa kanya, ang pagpapasuso ay hindi lamang para sa nutrisyon kundi para rin sa mas malalim na koneksyon at relasyon ng isang ina sa kanyang anak mula sa unang yakap nito pagsilang. #RK1077FM #CNN
Read Full Story
Binigyang-diin ng pamahalaang lokal ng Sariaya ang kahalagahan ng nutrisyon bilang pundasyon ng isang maunlad na komunidad sa isinagawang First Quarterly Meeting ng Municipal Nutrition Council. Sa ngalan ni Mayor Marivic T. Gayeta, pormal na binuksan ni Municipal Administrator Randy L. Tronila ang pagpupulong kung saan sinuri ang mga naging tagumpay ng 2025 Nutrition Program at tinalakay ang mga hakbang para sa MNAP at MELLPI Pro. Ayon kay Municipal Nutrition Program Coordinator Arlene M. Palabrica, pangunahing prayoridad ngayon ng MNAO sa pangunguna ni MNAO Reymundo D. Razon ang Nutrition Education, partikular na ang "First 1000 Days" ng mga bata, upang masugpo ang kaso ng stunting sa munisipalidad na naaayon din sa direktiba ng National Nutrition Council. Bukod sa kakulangan sa nutrisyon, binabantayan din ng tanggapan ang tumataas na kaso ng overnutrition o pagiging overweight at obese na dulot ng hindi malusog na lifestyle at labis na pagtangkilik sa mga fast-food chain. Base sa pagsusuri ng OPT 2025 Results, bagamaβt bumubuti ang pangkalahatang lagay ng nutrisyon sa bayan, kailangan pa ring paigtingin ang mga maagang interbensyon at pagbabago sa gawi ng mga mamamayan. Kaugnay nito, kinilala ang malaking improvement ng mga Barangay Nutrition Council kung saan nanguna sa mataas na score sa MELLPI Pro ang mga barangay ng Tumbaga 1, Concepcion Banahaw, Balubal, Sto. Cristo, Concepcion Pinagbakuran, Gibanga, Poblacion 2, Bucal, Limbon, at Montecillo. Ang mga datos na ito ang magsisilbing sandigan ng Sariaya para sa nalalapit na Provincial MELLPI Pro na gaganapin sa Abril 6 hanggang 8, 2026. Nagpaabot naman ng mensahe si EA III Dr. Ruben V. de Gracia Jr. na nagpapaalala na ang wastong nutrisyon ay paghahanda sa kinabukasan at pagiging produktibo ng mga kabataan. Layunin ng quarterly meeting na ito na maglatag ng mga epektibong hakbang at palakasin ang ugnayan ng bawat sektor upang masiguro na walang maiiwan sa mga inisyatiba para sa kalusugan. Nagtapos ang pagtitipon sa pagbabahagi ng mga matagumpay na nutrition initiatives ng bawat miyembro ng council, na nagbukas ng mas malalim na kooperasyon para sa isang mas malusog at masiglang bayan ng Sariaya. #RK1077FM #CNN
Read Full Story
Nagtipon ang mga tagapagsulong ng turismo at sining sa bayan ng Sariaya para sa ginanap na First Joint Quarterly Meeting nitong Marso 25, 2026, sa Balay Lingkuran. Ang nasabing pagpupulong ay pinangunahan ng Sariaya Tourism Culture and the Arts Council (STCAC) at Sariaya Historical Heritage Culture and Arts Council (SHHCAC) na dinaluhan ng ibaβt ibang sektor, organisasyon, at mga tanggapan ng lokal na pamahalaan. Sa nasabing pagtitipon, binigyang-diin ni Chief Tourism Operations Officer Dr. Ruben V. de Gracia Jr. ang malaking responsibilidad ng bawat miyembro sa pagpapanatili ng sining at kasaysayan ng bayan para sa kasalukuyan at susunod na henerasyon. Ayon kay de Gracia Jr., ang pag-uugnay ng turismo at heritage ang magsisilbing susi sa pangmatagalang kaunlaran at pagpapatibay ng pagkakakilanlan ng mga Sarayahin. Nagpaabot din ng kanilang suporta para sa maayos na pagpapatakbo ng mga programa sina Konsehal Ryan Decena, STCAC President Mitch Panganiban at SHHCAC Coordinator Danny De Luna. Ibinahagi sa pulong ang mga matagumpay na aktibidad na naisagawa na sa unang bahagi ng taon gaya ng Kulturang Pamana ni Haring Ponse Free Art Workshop noong January 27, Basic Life Support Training noong February 11 at ang Valse De Sariaya Workshop noong February 28. Ang mga ito ay bahagi ng patuloy na pagsisikap ng munisipyo na itampok ang galing at kahandaan ng mga mamamayan sa iba't ibang larangan. Inilatag din ang mga malalaking kaganapang dapat abangan ng mga turista at lokal na residente sa mga susunod na buwan. Kabilang dito ang ika-20 anibersaryo ng Senakulo 2026 sa darating na April 1, na tatampukan ng dulaang lansangan sa pitong stations at lalahukan ng 130 casts at 30 production staff. Kasunod nito ang pagdiriwang ng Agawan Festival mula May 11 hanggang 16, kung saan nakalinya ang mga aktibidad gaya ng Agritourism Booths, Valse de Sariaya Dance Competition, Araw ng Magsasaka at Mangingisda, Coronation ng Mister and Miss Teen Sariaya 2026 at iba pa. Bukod sa mga lokal na kapistahan, tinalakay rin ang paghahanda ng Sariaya para sa pagsali sa ibaβt ibang kompetisyon sa nalalapit na Niyogyugan Festival 2026. Ipinakilala rin sa pulong ang iba't ibang councils at associations na katuwang ng pamahalaan sa pagpapaunlad ng turismo. Sa pamamagitan ng aktibong partisipasyon ng bawat sektor, layon ng Sariaya na magkaroon ng malinaw na direksyon tungo sa isang mas masigla at maunlad na kinabukasan para sa sining at kultura ng bayan. #RK1077FM #CNN
Read Full Story
Mas hinigpitan pa ang pagbabantay sa kalusugan ng mga bata sa bayan ng Sariaya matapos isagawa ang ikatlong buwanang pagpupulong ng mga Barangay Nutrition Scholars (BNS) mula sa 43 barangay nitong Martes, Marso 24. Sa pulong na ginanap sa Conference Room A ng Sariaya New Municipal Hall, naging sentro ng talakayan ang pagsasagawa ng Operation Timbang Plus (OPT Plus) para sa unang quarter ng taon. Ayon kay BNS President Romarica Beltran ng Sampaloc 2, mahalagang maabot ang hindi bababa sa 80% coverage ng OPT Plus bawat quarter. Ito ay upang matiyak na makukuha ang pinaka-eksaktong datos na magtutukoy sa mga batang nangangailangan ng agarang atensyon at interbensyon pagdating sa kanilang nutrisyon. Bilang bahagi ng paghahanda para sa gaganaping MELLPI Pro ng Municipal Nutrition Action Office ngayong darating na Abril, mabusising tinalakay ang mga sumusunod na requirements: Mga resulta ng OPT, BNAP, at BNSAP; Documentation ng mga programa at proyekto para sa taong 2025; Listahan ng Breastfeeding Support Group ng bawat barangay; Report ng nakalipas na Nutrition Month Celebration. Pinaalalahanan naman ni Municipal Nutrition Program Coordinator Arlene Palabrica ang mga BNS na gawing prayoridad ang maayos na documentation dahil taon-taon ang pagsasagawa ng MELLPI Pro sa bawat barangay. Bukod sa monitoring, binigyang-diin din ang pagpapatuloy ng mga educational programs gaya ng Mother Class para sa mga buntis at ang Infant and Young Children Feeding. Layunin ng mga programang ito na ituro ang tamang nutrisyon para sa mga batang edad 6 na buwan hanggang 2 taon, gayundin para sa mga nanay na nagpapasuso. #RK107FM #CNN
Read Full Story
Masigla at puno ng saya ang naging selebrasyon ng National Womenβs Month sa bayan ng Sariaya ngayong araw, March 25, matapos ilunsad ng Pamahalaang Bayan ang LGU Sports Fest na eksklusibo para sa kanilang mga empleyadong kababaihan. Sa kaniyang mensahe, personal na nakiisa at nagbigay ng suporta si Mayor Marivic T. Gayeta. Binigyang-diin ng alkalde ang mahalagang papel ng mga babae sa lipunan at sa serbisyo publiko. "Ang araw na ito ay inilaan natin para sa lahat ng kababaihan upang pagsamahin ang ating lakas. Hindi basta-basta ang mga babae; mas may kakayahan tayo," ani Mayor Gayeta habang hinihikayat ang lahat na ipamalas ang kanilang galing sa kompetisyon. Naging sentro ng palakasan ang mainit na tapatan sa Basketball at Volleyball na nilahukan ng mga kawani mula sa ibaβt ibang departamento. Hindi rin nagpahuli ang saya sa mga parlor games na sumubok sa pagkakaisa at diskarte ng mga kalahok, kabilang ang Balloon Relay at Hulahoop Relay, Paper Cup Relay (Pyramid), Maria Went to Town at Three-Legged Man. Sorpresa namang kinilala ang mga natatanging lider sa loob ng munisipyo sa ginanap na Search for LGU Wonder Woman 2026. Tinanghal na panalo si Municipal Treasurer Lanie O. Mendoza, habang binigyang-pugay din ang iba pang mga department heads na nagpakitang-gilas sa naturang aktibidad. Dumalo rin upang magpaabot ng suporta sina Municipal Administrator Randy L. Tronila, MSWDO Claire D. Obnial, at Sports Coordinator Ronnie L. Lindog na siyang nanguna sa panunumpa ng Oath of Sportsmanship. Bahagi ng naturang aktibidad ang adbokasiya ng lokal na pamahalaan na itaguyod hindi lamang ang kalusugang pisikal at mental, kundi pati na rin ang pagkakaisa ng bawat kababaihang kawani na nagsisilbing pundasyon ng tapat at mahusay na serbisyo para sa mga mamamayan ng Sariaya. #RK1077FM #CNN
Read Full Story
Ipinagdiwang ngayong March 24 ang World TB Day sa bayan ng Sariaya, kasabay ng pinaigting na kampanya laban sa tuberculosis o TB na isang nakahahawang sakit na dulot ng mycobacterium tuberculosis na kumakalat sa hangin. Paalala ng mga opisyal sa kalusugan, mahalagang magsuot ng facemask lalo na sa matataong lugar dahil hindi nakikita kung sino ang maaaring may dala ng sakit. Binigyang-diin din ang apat na pangunahing sintomas ng TB na dapat bantayan: ubo na tumatagal ng higit dalawang linggo, lagnat sa gabi na walang malinaw na dahilan, hindi sinasadyang pagbaba ng timbang, at labis na pagpapawis na hindi maipaliwanag. Pinapayuhan ang publiko na agad magpatingin sa doktor kapag nararanasan ang mga ito. Sa panayam kay Zomir Dave Purificacion, Senior ACF Field Leader, sinabi niyang kinakailangan ang anim na buwang tuloy-tuloy na gamutan kapag nagpositibo sa TB upang tuluyang gumaling. Kasabay nito, inilunsad ang tatlong araw na libreng chest X-ray simula ngayong March 24 hanggang March 26 para sa mga residente mula sa 43 barangay, edad 15 pataas. Target ng programa na makapagsuri ng 450 pasyente sa loob ng nasabing panahon. Ayon naman kay Jennifer Palomado, Nurse II, hindi dapat ikahiya ang pagkakaroon ng TB dahil ito ay nagagamot. Nilinaw rin niya na ang TB ay hindi namamana kundi nakahahawa, kaya mahalagang ipasuri ang mga kasama sa bahay upang maiwasan ang pagkalat nito. Mayroon ding tinatawag na TB preventive treatment para sa mga positibo sa plema, kung saan iniinom ang gamot isang beses kada linggo. Dagdag pa ng mga eksperto, kapag nagkaroon ng TB ay maaaring magkaroon ng peklat ang baga at posibleng maulit ang sakit lalo na kung hindi babaguhin ang lifestyle. May mga kaso rin ng TB na walang sintomas kaya mahalaga ang regular na pagpapasuri. Batay sa tala, umabot na sa 136 ang naitalang kaso ng TB sa Sariaya mula Enero hanggang March 24, at may ilan pang kaso na kasalukuyang bineberipika. Bahagi ang naturang aktibidad sa patuloy na pagpapalakas ng serbisyong pangkalusugan sa inisyatiba ng Punong Bayan Mayor Marivic T. Gayeta katuwang ang Sannguniang Bayan kasama si Vice Mayor Arlene M. Genove at bumubuo ng konseho nito. #RK1077FM #CNN
Read Full Story
Sumailalim sa isinagawang monitoring at evaluation ang Dental Section ng Office on Health Services ng lokal na pamahalaan ng Sariaya, sa pakikipagtulungan ng Department of Health (DOH) Region IV-A, upang masuri ang patuloy na pagbibigay ng serbisyong pangkalusugan para sa bibig at ngipin. Isinagawa ang aktibidad nitong Lunes, Marso 23, sa conference room ng Rural Health Unit kung saan inilahad ng mga opisyal ng Dental Section ang kanilang mga programa at proyekto para sa taong 2025. Pinangunahan nina Dr. Irma V. Cadiz, Municipal Dentist III; Dr. Simeon Alcantara, Municipal Dentist II; at Dr. Alexis Espinosa, DOH Dentist, ang presentasyon na naglalayong ipakita ang lawak at pagiging epektibo ng mga serbisyong dental para sa mamamayan ng bayan. Samantala, pinamunuan ni Dr. Jeffrey Z. PiΓ±on, Regional Oral Health Program Outcome Manager mula sa DOH Center for Health Development CALABARZON, kasama sina Dr. Airene D. Ugto at Dr. Helen Grace C. Pilon, ang monitoring team na nagsagawa ng masusing pagsusuri. Layunin ng naturang monitoring na matiyak na maayos na naipatutupad ng mga lokal na pamahalaan ang mga itinakdang pamantayan at patakaran sa pagbibigay ng serbisyong medikal, partikular sa larangan ng oral health, para sa kapakanan ng mamamayan. Kaugnay nito, patuloy rin na sinusuportahan ng Punong Bayan Mayor Marivic T. Gayeta katuwang ang Sannguniang Bayan kasama si Vice Mayor Arlene M. Genove at bumubuo ng konseho nito ang mga serbisyong pangkalusugan para sa mamamayan ng Sariaya. #RK1077FM #CNN
Read Full Story
Isang makasaysayang hakbang ang pormal na pinagtibay ngayong hapon, March 24, 2026, matapos ganapin ang Ceremonial Memorandum of Agreement o MOA Signing sa loob mismo ng makasaysayang Sariaya Old Municipal Building. Ang naturang kasunduan ay pinangunahan ng Pamahalaang Bayan ng Sariaya sa ilalim ng pamumuno ni Mayor Marivic T. Gayeta, katuwang ang Eulogio βAmangβ Rodriguez Institute of Science and Technology (EARIST) at ang organisasyong Herencia Sariaya. Ayon kay Mayor Gayeta, ang matagumpay na kolaborasyong ito sa pagitan ng akademya, lokal na pamahalaan, at mga organisasyong pangkultura ay magsisilbing daan upang mas mapalawak ang mga programang makikinabang ang mga mamamayan, lalo na ang mga kabataang Sariayahin. Binigyang-diin ng Punong Bayan na asahan ang kanyang patuloy na pagsisikap na maghatid ng mga programang may tunay na saysay at pakinabang para sa buong bayan. Binigyang-diin naman ni Dr. Ruben V. de Gracia Jr., Sariaya Tourism Culture and the Arts Officer, na ang MOA signing ay hindi lamang isang simpleng seremonya kundi isang makabuluhang hakbang tungo sa pangangalaga ng kasaysayan at pagkakakilanlan ng mga Sariayahin. Ipinaliwanag niya na ang Old Municipal Building ay hindi lamang isang istruktura kundi isang buhay na saksi sa mayamang nakaraan at pag-unlad ng bayan na dapat ingatan para sa mga susunod pang henerasyon. Bilang bahagi ng pagsisimula ng nasabing proyekto, agad na isinagawa ng mga estudyante mula sa EARIST ang isang Condition Assessment Survey ng Architecture and Built Environment ng Lumang Munisipyo ng Sariaya matapos ang lagdaan. Ang pagsusuring ito ay mahalaga upang matukoy ang kasalukuyang estado ng gusali at makabuo ng mga rekomendasyon para sa tamang preserbasyon ng arkitektura nito. Dinaluhan ang aktibidad nina Municipal Administrator Randy L. Tronila, Engr. Victor Alviso, EnP Ronnie Lindog, OMPDC at mga miyembro ng Sariaya Historical Heritage Culture and the Arts Council (SHHCAC). Sa pamamagitan ng kasunduang ito, muling pinagtibay ng mga katuwang na sektor ang kanilang pangako na pangalagaan, panatilihin, at muling buhayin ang mga pamanang kultura na magsisilbing inspirasyon sa gitna ng nagbabagong panahon. #RK1077FM #CNN
Read Full Story
Masayang ibinahagi ni Jill Cielo P. Rasay-Tambor, bagong Huwarang Ginang Sariaya 2026, ang kanyang karanasan sa pageant at kung paano ito naging daan upang mas lalong makatulong sa komunidad. Ayon sa kaniya, hindi niya inakala na makakasali sa kompetisyon dahil isa siyang busy working mom. Ngunit sa isang simpleng paalala mula sa kanyang anak na babae na, βI want to see you there againβ, nagdesisyon siyang muling subukan ang entablado bilang representative ng Barangay Pili. Bagamaβt may mga narinig siyang puna na hindi siya karapat-dapat dahil mayroon na siyang karanasan, nilinaw niya na tatlong beses lamang siyang sumali sa pageant, una sa kolehiyo, pangalawa sa Mrs. Philippines Quezon, at pangatlo sa Huwarang Ginang 2026. Para sa kaniya, positibo ang kritisismong ito dahil nagbibigay ito ng inspirasyon at pagkakataon na subukan ang bawat oportunidad, lalo na bilang isang ina sa edad na 30. Aminado si Jill na nakaramdam siya ng pressure sa preparasyon, ngunit habang nakikilala ang iba pang kandidata, unti-unting nawala ang kaba at nagbukas ang samahan sa pagkakaibigan. Hindi na lamang kompetisyon ang kanilang nakikita kundi isang sisterhood. Sa pageant, natutunan niya ang ibat-ibang karanasan ng bawat ina, mga hamon, sakripisyo, at tagumpay sa pagiging magulang. Ramdam din niya ang bigat ng pagiging babae sa sitwasyong malayo sa asawa, na nagtatrabaho sa ibang bansa upang suportahan sila. Ayon sa kaniya, mahalaga na sa bawat relasyon ay may isa na malakas upang maging sandigan ng isaβt isa. Sa kabila ng hamon, pinanindigan nila ang kanilang pagmamahalan sa tulong ng Diyos at ng bawat isa. Matapos ang pageant, ipinakita ni Jill ang kanyang pasasalamat sa pamamagitan ng community pantry noong March 20, 2026 sa Barangay Pili, katuwang ang kapwa niyang Huwarang Ginang, kung saan namigay sila ng libreng goods sa mga residente. Ayon sa kaniya, hindi kailangang maging visible para makatulong; mas mahalaga ang pagiging instrumento ng kabutihan sa iba sa ibaβt ibang paraan. Sa isinagawang coronation, binanggit niya ang kanyang layunin na magbahagi ng kaalaman at karunungan sa mga kababaihan. Isa sa kanyang adbokasiya ang women empowerment at edukasyon, upang ang kababaihan sa Sariaya ay magkaroon ng pagkakataon na matuto at lumago kahit sa kabila ng kahirapan. Ibinahagi rin niya ang kanyang breastfeeding journey na umabot hanggang 10 buwan. Bagamaβt mahirap sa simula, itinuloy niya ito para sa kalusugan ng anak, kasabay ng pagpapakain ng masusustansiyang gulay tulad ng repolyo, sayote, at kangkong, upang lumaking malusog at hindi pihikan sa pagkain. Sa pagtatapos ng kanyang panayam sa programang Ibida mo sa Radyo kasama sina Kuys Wacky at Kuys Kenneth, hinimok niya ang lahat na maging mabuti at maunawain sa kapwa. Ayon sa kaniya, mahalaga na maging mabuting tao sa kabila ng mga hamon ng mundo at magsilbing inspirasyon sa komunidad. #RK1077FM #CNN
Read Full Story
Nagsagawa ang Lokal na Pamahalaan ng Sariaya ng libreng spay at neuter o castration para sa mga aso at pusa ngayong Lunes, Marso 23, bilang bahagi ng patuloy na pagpapalakas ng programang pang-agrikultura at animal welfare sa bayan. Isinagawa ang naturang aktibidad katuwang ang Pamahalaang Panlalawigan ng Quezon sa pamamagitan ng Office of the Provincial Veterinarian, gayundin ang Biyaya Animal Care Foundation kung saan ginanap sa Sariaya Agricultural Trading Center sa Barangay Sampaloc 2. Ayon kay Dr. Joden Oliver Sumeldan, Chief Medical Director ng Biyaya Animal Care Foundation, mahalaga ang spay at neuter hindi lamang upang makontrol ang pagdami ng mga stray animals kundi upang mapanatili rin ang kalusugan ng mga alagang hayop. Aniya, nakatutulong ang nasabing procedure upang mapahaba ang buhay ng mga alaga at maiwasan ang ibaβt ibang sakit tulad ng mammary gland tumor sa mga babaeng aso, pyometra o impeksyon sa matris, testicular tumor sa mga lalaking aso, at transmissible venereal tumor (TVT) na maaaring maipasa sa kapwa hayop. Dagdag pa niya, nakatutulong din ito sa pagbabago ng ugali ng mga alaga gaya ng pagbawas ng agresibong pag-uugali at pagmamarka ng teritoryo. Ipinaliwanag din ni Dr. Sumeldan ang kahalagahan ng wastong paghahanda ng mga pet owner bago ang operasyon. Kabilang dito ang pagtiyak na malusog ang alaga, pagpapakain nang tama sa pamamagitan ng fasting ng hindi bababa sa anim na oras bago ang procedure, at pagpapaligo sa mga ito bago dalhin sa event. Binigyang-diin din niya ang kahalagahan ng maayos na recovery area at pagsunod sa mga post-operative care tulad ng pag-inom ng gamot at paggamit ng protective collar. Sa isinagawang programa, dumaan ang mga alagang hayop sa proseso ng pre-registration, registration sa event, paghahanda para sa anesthesia, aktuwal na operasyon, at post-operative recovery bago ibalik sa kanilang mga may-ari. Ayon pa kay Dr. Sumeldan, walang limitasyon ang bilang ng alagang maaaring ipa-spay o ipa-neuter ng isang pet owner sa naturang gawain at hinihikayat niya ang mga may-ari na samantalahin ang ganitong programa upang maiwasan ang overpopulation at mga suliraning kaakibat nito tulad ng kakulangan sa pagkain at animal abuse. Samantala, ibinahagi naman ni Romy Loredo, 65-anyos na residente ng Morong, ang kanyang karanasan bilang pet owner na nagpa-spay at kapon ng tatlong aso at tatlong pusa. Ayon kay Loredo, isa sa pangunahing dahilan ng kanyang pagpapakapon ng mga alaga ay ang pagkontrol sa kanilang pagdami. Aniya, nagiging mahirap na ang pag-aalaga kapag lumalaki ang bilang ng mga hayop at hindi na ito natutustusan nang maayos. Dagdag pa niya, nais din niyang maiwasan ang inbreeding lalo na sa mga pusa na nagiging sanhi ng hindi magandang kalagayan ng kanilang lahi. Pinuri rin ni Loredo ang programa ng lokal na pamahalaan at ng Provincial Veterinary Office, na aniyaβy malaking tulong sa mga tulad niyang nag-aalaga ng aso at pusa. Nagpahayag din siya ng pasasalamat at pag-asa na patuloy pang maisasagawa ang ganitong programa sa hinaharap. Bukod sa Sariaya, nauna nang naisagawa ang kaparehong programa sa Lucena City, at inaasahan pang maisasagawa sa mga bayan ng Tiaong, Pagbilao, at Mauban. Nagbigay rin ng libreng pagkain para sa mga alagang hayop ang ibaβt ibang katuwang na organisasyon tulad ng Unahco Incorporated (Yum Yum Dog Food), Top Breed, at Majesty. Lubos naman ang pasasalamat ni Mayor Marivic T. Gayeta sa katauhan ni EA II Victorio Armamento para sa mga Doctor in Veterinary mula sa Pamahalaang Panlalawigan at sa Biyaya Animal Care Foundation sa matagumpay na surgeries sa mga aso at pusa na nakapon. Sa kabuuan, umabot sa 155 alagang hayop mula sa ibaβt ibang pet owners sa Sariaya ang nabigyan ng libreng serbisyo sa naturang aktibidad. Kaugnay nito, patuloy namang bukas ang tanggapan ng Office of the Municipal Agriculturist para sa anti-rabies vaccination ng mga aso at pusa sa halagang 50 pesos kada alaga, tuwing araw ng Biyernes mula alas-8 ng umaga hanggang alas-5 ng hapon. #RK1077FM #CNN
Read Full Story
Binigyang-diin ang kahalagahan ng salitang understanding o pag-unawa bilang value of the week sa isinagawang lingguhang flag raising ceremony nitong Lunes, Marso 23, sa Sariaya New Municipal Hall. Ayon kay Municipal Assessor Maria Chona Vendiola, ang pag-unawa ay hindi lamang simpleng pag-intindi sa mga salita o pangyayari, kundi nagsisilbing tulay na nagdudugtong sa bawat mamamayan. Aniya, ito rin ang nagiging pundasyon ng serbisyong may puso na nakabatay sa malasakit, konsiderasyon, at respeto. Samantala, inanunsyo ni Municipal Administrator Randy Tronila na nailabas na ang guidelines para sa pamamahagi ng tulong pinansyal sa mga tricycle driver sa bayan. Paliwanag niya, makikipag-ugnayan muna ang lokal na pamahalaan sa Business Permit and Licensing Office at Municipal Social Welfare and Development Office upang matukoy ang mga lehitimong tricycle na may prangkisa at regular na nagbabayad nito. Kinilala rin sa naturang programa ang apat na atletang nagkamit ng pilak na medalya sa katatapos na Regional Athletic Association Meet (RAAM) na ginanap sa Batangas City. Ang mga ito ay mula sa Manggalang 1 Elementary School na lumahok sa larong sepak takraw sa elementary girls category. #RK1077FM #CNN
Read Full Story
Isinagawa ng Sangguniang Bayan ng Sariaya ang pampublikong pagdinig at konsultasyon kaugnay ng Proposed Municipal Ordinance No. 2026-01 hinggil sa pansamantalang relokasyon ng mga awtorisadong manininda ng pamilihang bayan. Ginawa ito nitong Huwebes, Marso 19, 2026 sa unang palapag ng Sariaya New Municipal Hall, na dinaluhan ng mga vendor, opisyal ng pamahalaang bayan, at iba pang kawani. Layunin ng nasabing konsultasyon na ipaliwanag ang ordinansang nagtatakda ng pansamantalang paglilipat ng mga manininda sa likurang bahagi ng kasalukuyang pamilihang bayan na matatagpuan sa Barangay Poblacion 3, kabilang ang mga alituntunin, regulasyon, at kaukulang parusa sa mga lalabag. Ayon kay Municipal Administrator Randy L. Tronila, ang relokasyon ay bahagi ng pangmatagalang plano upang maisaayos at mapabuti ang kasalukuyang kalagayan ng pamilihang bayan. Samantala, tiniyak ni Municipal Engineer Engr. Victor Alviso na masusing pinag-aralan ang naturang hakbang. Aniya, aabot sa 222 manininda ang maaapektuhan ng relokasyon, habang 205 stall naman ang nakahandang ipamahagi sa mga ito. Ibinahagi naman ni Municipal Planning and Development Coordinator EnP Ronnie Lindog na may nakalaang tulong-pinansyal para sa mga apektadong vendor na nagkakahalaga ng kabuuang β±20,000. Maaaring makuha ang unang β±10,000 ngayong taon at ang natitirang halaga ay sa taong 2027. Mayroon din umanong nakahandang espasyo para sa mga maninindang walang permanenteng pwesto sa planong bagong pamilihang bayan. Sa pagdinig, detalyadong ipinaliwanag ang bawat seksyon ng ordinansa at nabigyan ng pagkakataon ang mga dumalo na maipahayag ang kanilang mga saloobin at katanungan. Isa sa mga binigyang-diin ang Seksyon 6 na tumatalakay sa relocation guidelines. Kabilang sa mga alituntunin ang validation at registration ng mga vendor, stall allocation na may sukat na 2 metro x 2 metro kada manininda, at ang pagbuo ng limang zoning areas sa pansamantalang pamilihan upang mapadali ang pag-navigate ng mga mamimili. Magkakaloob din ng temporary permit sa mga apektadong vendor. Nagpaalala naman si Municipal Treasurer Lanie Mendoza na mahigpit na ipinagbabawal ang pag-upa, pagbebenta, o paglilipat ng pwesto sa loob ng pansamantalang pamilihan. Kabilang din sa mga dapat sundin ang sanitation, fire safety, at iba pang regulasyon ng lokal na pamahalaan. Nakasaad din sa ordinansa ang mga ipinagbabawal na gawain tulad ng pagtitinda sa labas ng itinakdang lugar, pagharang sa mga kalsada at daanan ng pedestrian, hindi wastong pagtatapon ng basura, at pagpapaupa o paglilipat ng pwesto. May kaukulang multa ang sinumang lalabag sa mga ito. Ang nasabing ordinansa ay isinusulong nina Konsehal Teodorico de la PeΓ±a, Chairperson ng Committee on Ordinances and Legal Matters, at ABC President Konsehal Romulo Gayeta, Chairperson ng Committee on Market and Slaughterhouse. #RK1077FM #CNN
Read Full Story
Masayang ibinahagi ni Reena May M. Dahildahil ang kanyang makulay ngunit puno ng pagsubok na paglalakbay nang siya ay maging panauhin sa programang Ibida Mo sa Radyo ng Radyo Kaisahan 107.7 FM kasama sina Kuys Wacky at Kuys Kenneth. Sa likod ng kanyang pagkakatanghal bilang 1st runner-up sa Huwarang Ginang Sariaya 2026, isang mas malalim na kwento ang kanyang ibinunyag, isang kwento ng pakikibaka, pagbangon, at muling pagtuklas sa sarili. Hindi naging madali ang kanyang pinagdaanan bilang isang anak, ina, at asawa, hinarap niya ang matitinding hamon sa buhay na nagdulot sa kanya ng anxiety at depression. May mga pagkakataong nawawala siya sa sarili at hindi na lubos na nauunawaan ang kanyang mga kilos, bagay na naglagay sa kanya sa alanganin. Ngunit sa gitna ng kadilimang iyon, nagsilbing liwanag ang kanyang pamilya lalo na ang kanyang anak na nagpahayag ng takot na siya ay mawala. Ang simpleng pahayag na iyon ang naging mitsa ng kanyang muling pagbangon. Doon niya napagtanto na kailangan niyang harapin ang kanyang kalagayan at humingi ng tulong. Sa kabila ng takot at pag-aalinlangan, nagpasya siyang kumonsulta at sumailalim sa gamutan upang unti-unting maibalik ang kanyang sigla at pagkatao. Kasabay ng kanyang paghilom ay ang pagbubukas ng panibagong oportunidad, ang muling pagbabalik ng patimpalak para sa mga ginang sa Sariaya. Sa pamamagitan ng Huwarang Ginang Sariaya 2026, nabigyan siya ng pagkakataong muling balikan ang kanyang dating hilig sa pageantry at ipakita ang kanyang kakayahan bilang isang babae at lider. Bilang kinatawan ng Barangay Concepcion Palasan, buong tapang niyang hinarap ang entablado, dala ang suporta ng kanyang pamilya at kanilang mga ka-barangay. Higit pa sa parangal, naging simbolo ito ng kanyang muling pagtindig at pagbawi sa sarili. Hindi rin niya pinalampas ang pagkakataong ibahagi ang kanyang karanasan bilang isang ina patungkol sa kahalagahan ng eksklusibong pagpapasuso. Sa kabila ng pagiging abala, tiniyak niyang mapangalagaan ang kalusugan ng kanyang mga anak, na aniyaβy pawang lumaki sa breastmilk hanggang dalawang taong gulang. Sa huli, ang kanyang kwento ay hindi lamang tungkol sa isang tagumpay sa entablado, kundi isang patunay na sa kabila ng mga pagsubok, ang pagmamahal ng pamilya, lakas ng loob, at pananampalataya sa Diyos ang magsisilbing gabay upang muling makabangon at magpatuloy sa buhay. Bilang isang Huwarang Ginang 2026 1st Runner Up, layunin din niyang magsilbing boses ng mga kababaihan sa pamamagitan ng paghihikayat sa mga ito na harapin at labanan ang kanilang nararamdaman, at hikayatin ang mga nakararanas ng anxiety at depression na humingi ng tulong at makahanap ng angkop na solusyon bilang bahagi ng kanyang adbokasiya. #RK1077FM #CNN
Read Full Story
Tinalakay ni Medical Officer V Dr. Aleli Oabel mula sa Office on Health Services, ang usapin hinggil sa diabetes sa isinagawang Health Watch Radio Program kasama si Sissy Larah ngayong Marso 19, 2026. Ayon kay Dr. Oabel, ang diabetes sa pinakasimpleng paliwanag ay ang pagtaas ng blood sugar o asukal sa dugo. Ipinaliwanag din niya na may ilang pangunahing risk factor sa pagkakaroon ng sakit na ito, kabilang ang edad na 40 pataas, labis na timbang, sedentary o laging nakaupong uri ng trabaho, mataas na presyon ng dugo, pagkakaroon ng kamag-anak na may diabetes, at maging ang pagbubuntis. Binigyang-diin din niya ang malaking papel ng heredity o lahi sa posibilidad ng pagkakaroon ng diabetes. Dagdag pa ng doktora, sa Rural Health Unit (RHU) ay halos araw-araw may mga bagong kaso ng diabetes na natutukoy. Gayunman, marami rin sa mga pasyente ang sumasailalim na lamang sa follow-up check-up o regular na konsultasyon. Ilan sa mga sintomas na maaaring mapansin ay ang pangingitim ng batok o bahagi ng leeg, pagkakaroon ng sugat na matagal gumaling, pangangati ng balat, at hindi maipaliwanag na pagbaba ng timbang. Nagbabala rin si Dr. Oabel na kung hindi maagapan ang diabetes, maaari itong magdulot ng seryosong komplikasyon gaya ng pagkasira ng kidney, pagkabulag, at maging pagputol ng paa. Upang maiwasan ang sakit, inirerekomenda ang pagkakaroon ng aktibong pamumuhay, tamang pagkain, pag-iwas sa labis na matatamis, at pamamahala sa stress. Sa huli, nagpaalala si Dr. Oabel sa publiko na pangalagaan ang kalusugan, dahil ito ang isa sa pinakamahalagang yaman na maaring dalhin ng tao habang siya ay nabubuhay. #RK1077FM #CNN
Read Full Story
Nagsagawa ng kanilang unang quarterly meeting ngayong taon ang Community Radio Council (CRC) ng Sariaya, kung saan pormal na nakilala at nahalal ang mga bagong opisyal ng konseho. Idinaos ang nasabing pulong sa Conference Room B, ikatlong palapag ng Sariaya New Municipal Hall. Tinalakay sa pagpupulong ang muling reorganisasyon ng konseho upang higit pang mapalakas ang pagpapalaganap ng mga programa at aktibidad hinggil sa nutrisyon at kalusugan, gayundin ang promosyon ng radyo sa 43 barangay ng bayan. Isinagawa rin ang halalan upang matukoy ang mga bagong mamumuno sa CRC. Sa isinagawang reorganisasyon, nahalal bilang bagong Chairperson si Municipal Health Officer I Dr. Omar N. Ilagan, habang nanatili bilang Vice Chairperson si Municipal Administrator Randy L. Tronila. Itinalaga naman bilang Secretary si SK Chairperson ng Barangay Pili na si Isabella Sydney R. Bagting; bilang Treasurer si BHW President Delia MontaΓ±ez; at bilang Public Relations Officer naman si Public Information Officer Romualdo Nonato L. Nantes. Samantala, nahalal bilang mga pinuno ng komite sina Pastor Gerry VeleΓ±a para sa Programming; STCAO Designate at EA III Dr. Ruben V. de Gracia para sa Promotions; HRMO V at MNAO Reymundo D. Razon para sa Resource Generation; at BNS President Romarica Beltran para sa Community Service. Ayon kay Dr. Ilagan, inaasahan ang mas pinaigting na paghahatid ng impormasyon sa publiko sa pamamagitan ng regular na radio guesting at panayam sa Radyo Kaisahan 107.7 FM, upang maipabatid sa mamamayan ang mahahalagang usapin sa kalusugan at nutrisyon. Sa mensahe naman ni Mayor Marivic T. Gayeta na ipinaabot ni Municipal Administrator Tronila, tiniyak ang patuloy na suporta ng lokal na pamahalaan sa mga programa ng istasyon at ng CRC. Binigyang-diin din ang kahalagahan ng sama-samang paglilingkod upang maihatid ang tama at kapaki-pakinabang na impormasyon sa publiko. Nangako naman ang mga miyembro ng CRC na aktibong gagampanan ang kanilang mga tungkulin at makipag-ugnayan sa Radyo Kaisahan 107.7 FM upang matiyak ang tuloy-tuloy na paghahatid ng makabuluhang impormasyon sa mga Sariayahin. Bukod sa halalan, tinalakay rin sa pulong ang mga planong programa at aktibidad para sa taong 2026, kabilang ang mga konkretong hakbang upang maisakatuparan ang mga iminungkahing proyekto. Dinaluhan ang nasabing pagpupulong ng mga kinatawan mula sa ibaβt ibang sektor tulad ng lokal na pamahalaan, edukasyon, kabataan, kalusugan at nutrisyon, uniformed personnel, at mga kawani ng Radyo Kaisahan. #RK1077FM #CNN
Read Full Story